JAN MUNAÑATAKIT MUNSMA
Jose Luis Lima Mamani[1] (2013)
Jan mayampitakiw sarxä quli panqarita
Nayax Inas jumar munaskakchïma,
Inas janipun armañ atkchïmati
ukampirus jan kutt’aniñatakiw sarxkta,
aka munasiwijxa janiw amuykistati.
Nayax taqi lup’iwimpiw sapa kuti suysma
Ukatw jan t’aqhisiñatak sarxkta
Jumar munañäks chuymajaruw imasxta
Jumaw jan amuykistati,
Inakiw inach munxitani sas munasiñamp arxaysma
Kunatix juman chuymamax yaqhampiw sarxi
Janiw akankktati, janiw uñjkistati,
Janirakiw munkistati
Ukampirus wali suma masitanwa,
Ukhamapans Inas juk’ak munawaychista, inas walt’at munawaychista
Janiw yatktti,
Ukampirus janiw khithirus ukham jumarjam munkäti.
Lart’asiwimaw lup’iwijan qhipharani,
Munasiwijxa chuymajaruw satantasta
Ukatw chuymajax wiñayatakis jan armkätamti.
Jumat amtasisaw jachañ munta
sapak nayan qhipharatxat lup’isisaw luqhirañ munta
Ukampirus inas jach’a munasiwijax chuyma manqhijan jiwxchini
Jumas nayas wali suma masïtanwa,
No hay comentarios:
Publicar un comentario