CHUYMAJAX MAYAMPIW PANTJASI
Mayampiw munasiwix jachayitu
mayampiw chuymajax pantjasi
jupaw munasiñajx lunthatitu
jupalaykuw chuymajax t’aqhisi.
Inas jan munañatak yuritasta
inas jupax janipun munkchitanti
inas nayapunirak pantjasta
sarxatapaw chuyma t’unjitu.
Jach’a llaki! janiw llamp’uchaskiti
chuymajas ch’aphintatjamaw amuyasi
jachanakas jan tupt’kayaw williqtitu
munasiñlaykuw thaqhista.
Kunalaykukiraki jupar munpachäta
kunapachakiraki jupar uñt’pachäta
chuymajawa mayampi pantjasi
munasiñlaykuw mayampi t’aqhista.
No hay comentarios:
Publicar un comentario